Цената на дизелот во Германија достигна нов рекорд, при што просечната цена за литар се искачи на 2,453 евра, со што е надминат претходниот рекорд од април за 0,6 центи, објави „Билд“ повикувајќи се на податоци од Германскиот автомобилски клуб (ADAC).
Цените на горивата бележат раст и во Италија, каде според податоците од Министерството за бизнис и производство (MIMIT), просечната цена на литар бензин на пумпите за самопослужување се зголемила на 2,143 евра, додека дизелот пораснал на 2,266 евра за литар. Во Германија, пак, бензинот Супер Е10 достигна 2,314 евра за литар, што претставува петти последователен рекорд.
Од почетокот на конфликтот со Иран кон крајот на февруари 2026 година, дизелот поскапел за речиси 71 цент по литар, а бензинот за околу 54 центи, што значително го зголемува месечниот трошок за возачите. Дополнително, во Италија владата ја продолжи мерката за намалување на акцизата за дизелот до 5 октомври, но со намален износ на субвенцијата во наредните недели.