Во индустриската зона Жабени во Битола, германската компанија „Кромберг и Шуберт“ започнува Нов инвестициски проект за производство на системи за новиот модел на „Ауди“, кој во наредните четири години ќе донесе 2.000 нови работни места.
Како што информираше премиерот Христијан Мицкоски, со новата инвестиција вкупниот број вработени во капацитетите на компанијата во Битола и Скопје ќе достигне 10.000 лица, а планирано е производство на над 3.000 снопови дневно.
Ова се нашите цели, ова се нашите приоритети и вака треба да работиме и во иднина за сопствената татковина. Со конкретни инвестиции, со отворање работни места и со резултати. Граѓаните очекуваат работа, одговорност и резултати, и по тој пат ќе продолжиме – истакна Мицкоски.
Мицкоски додаде дека компанијата за следната година проектира извоз од над 400 милиони евра, нагласувајќи дека инвестицијата носи економска сигурност за Пелагонискиот Регион и плати за висококвалификуван кадар кои се за 80 проценти повисоки од просекот во државата.