Џафери и Котески се вклучија во акцијата „Ден на дрвото“
Министерот Талат Џафери и началникот на ГШ на АРМ, генерал-потполковник Горанчо Котевски денеска заедно засадија дрвца во кругот на Министерството за одбрана.
- Ние како Министерство за одбрана покрај уставната обврска, земаме учество и придонес за заштита на природата. Во тој контекст денешниот ден го одбележуваме со симболично засадување дрвца, изјави Џафери.
Весна Зарезанкова, член на Здружението на граѓани „Ден на дрво-засади ја својата иднина“ изрази благодарност за тоа што Министерството за одбрана и АРМ од самиот почеток е вклучено во реализација на акцијата.
- Маслиновото гранче е симбол на мирот во светот, а дрвата што се засадуваат во Македонија се симбол на мирот како во земјава, така и во светот, рече Зарезанкова.
Таа потенцира дека со 61 процент успешност на засадените дрвца минатоодишната акција се оценува за успешна.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
