Му се заканувал на соседот со секира - приведен жител на Шипковица
Дваесет и седум годишен жител на Шипковица пријавил дека вчера околу 13 часот и 30 минути негов соселанец го нападнал, па му се заканувал со секира. Настанот се случил во областа Шипковачко Теќе, по што 27 годишникот околу 15 часот и 30 минути пријавил во полиција.
– Околу 20 часот и 30 минути, во тетовска Шипковица, полициски службеници на СВР Тетово го лишиле од слобода 54-годишниот Ш. А. од ова село, во врска со кривично дело „загрозување со опасно орудие при тепачка или караница“. Ш. А. задржан е во Полициската станица Тeтово за целосно расчистување и документирање на случајот, информира СВР Тетово.
За пријавеното ќе биде изготвен соодветен поднесок, соопштија од тетовската полиција.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа