Затуроска: На владата не и е гајле колкави штети ќе имаат земјоделците од неисчистените канали во државата

Лилјана Затуроска, пратеник од ВМРО-ДПМНЕ на денешната собраниска седница зборуваше за проблемот со чистење на каналите кој е сериозен проблем во нашата држава и може да предизвика серизони последици, сметајќи и поаѓајќи од тој аспект дека можеби и немањето на доволно механизација и неможноста одредените институции да можат навремено да ги исчистата истите.

-И од таа гледна точка ние поднесовме амандман и вие како министерство за финасии да издвоите одредена сума на пари коишто на некој начин ќе дадат импакт или помош на овие институции барем од таа гледна точка да бидат опремени, а може ќе треба и во друг смегмент да се разгледува ова колку се добро екипирани, но сепак сметак дека требаше да изнајдите механизми да оделите еден дел од средтсва, истакна Затуроска.

Таа во своето обраќање кажа дека не очекувала дека позитивно ќе се изјасни минситерство за финасии, по однос на ова со оглед на средствата коишто се кратат од основиот буџет на тема канализациони мрежи, одводни канали.

-Не сакам да зборувам пак за штетите коишто може земјоделците да ги претрпат, но владата на Република Македонија и не остави баш некој белег или перцепција дека и многу се секирате за земјоделците и баш ви е гајле дали ќе бидат исчистени каналите и дали ќе се поплават нивите, полињата на земјоделците од кадешто тие живеат, потенцираше Затуроска.