Денеска судир на две воздушни маси: Силно невреме доаѓа кон Македонија
Продолжува Африканскиот бран во државава како и многу високите температури на воздухот но и екстремно високиот УВ ИНДЕКС кој ќе има вредност некаде од 10 до 11, стои во временската на Славчо Поповски.
Во текот на претпладнево сеуште времето ќе биде стабилно, сончево и многу топло меѓутоа од пладневните часови поради судир на две воздушни маси (топла од југ и свежа од север) најпрвин на запад а потоа и на другите места ќе има локален развој на нестабилна облачност проследена со пороен дожд, грмежи и засилен ветер.
Локално процесите ќе бидат ПОИНТЕНЗИВНИ и застапени во форма на НЕВРЕМЕ проследено со поинтензивен пороен дожд, силни електрични празнења, засилен ветер и услови за појава на град.
Максималните дневни температури на воздухот ќе се искачуваат во интервалот од 27 до 34 степени.
НАПОМЕНА И ПРЕДУПРЕДУВАЊЕ: Во случај на појава на електрични празнења да не се претстојува на отворен простор и под осамени дрвја а овчарите своите стада да ги делат во помали групи со цел да ги заштитат.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа