Повредената пратеничка на СДСМ останува на Неврохирургија - детали за состојбата
Во тешка сообраќајка на патот Демир Капија-Удово која се случи вчера, тешко е повредена пратеничка на СДСМ од Валандово. Како што дозна Пресс24, таа е итно пренесена во Ургентниот Центар во Скопје, со повреди на главата и телото.
Сакам дакажам пишува дека пратеничката од редовите на СДСМ, Мери Лазарова е во стабилна состојба, а вчера била донесена на Клиника во 20 часот.
- „Има лесна повреда на главата и е во стабилна состојба. Немаше потреба од никаква хируршка интервенција, и нема други повреди. Ќе ја задржиме уште неколку дена на опсервација. Хоспитализирана е на Клиниката за неврохирургија“, вели д-р Венко Филипче за Сакамдакажам.
Инаку, пратеничката била во својот автомобил и удрила во одрон, па по неа уште еден автомобил се забил во нејзиниот. Со неа во возилото бил и градоначалникот на Валандово Перо Костадинов на кој му се исто така констатирани телесни повреди.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
