Пожарникарите со полни раце работа, гасеа пожари на 14 локации

Во Центарот за управување со кризи (ЦУК), регистрирани се 14 пожари на отворено изминатите 24 часа, сите биле изгаснати.

- Во општина Ѓорче Петров, два пожара - во населба „Стопански Двор“ и покрај улицата „Шарпланинска“, горела сува трева, како и покрај „Качанички пат“. Во Гази Баба, два пожара - на депонија „Вардариште“ - гореле ѓубре и сува трева и покрај улицата „Ранка Милановиќ“ - горела депонија. Во Студеничани, кај село Долно Количани горело ѓубре. На територија на Битола, два пожара - кај Јавното претпријатие „Водовод“ и кај м.в. „Смолево“ гореле ниска шума и сува трева. На територија на Гевгелија, два пожара - гореле дива депонија и сува трева. Во општина Ново Село, над селото Стиник гореле ниска шума и сува трева. Во кумановскиот регион, два пожара - кај „Пчињски Пат“ - гореле сува трева и притоа опожарен и камион и кај селото Пчиња, каде гореле сува трева и опожарена шупа. На територија на општина Старо Нагоричане, кај селото Нагоричени горела сува трева, појаснуваат од ЦУК.

Изминатото деноноќие биле евидентирани 2.381 повик на единствениот повикувачки број за итни случаи 112 во ЦУК. Како реални биле категоризирани 59,97 проценти од повиците.

- Кон полиција биле упатени 45,84 отсто, кон Итната медицинска помош - 17,53 проценти, кон пожарникарите - 9,21 отсто, а кон АМСМ - 0,23 проценти од реалните повици, додаваат од ЦУК.