Колапс на Куманово: Повторно со најзагаден воздух, снегот ја парализираше општината
Ова утро Куманово повторно е најзагадениот град во цела Македонија.
Загадувањето утрово изнесува 81 мг/м3, што е повеќе од максимално дозволената граница од 50 мг/м3. На тој начин, Куманово повторно е убедливо најзагадениот град во Македонија.
Исто така, има големи проблеми со движењето по улиците и патиштата, особено во неколку населби во градот и селата во општината.
Улиците не се исчистени од снегот во населбите Перо Чичо, Карпош, Доброшане, Зелен Рид, Ајдучка Чешма и други населби.
Големи проблеми со снегот има во населените места Клечовце, Пчиња, Романовце, Умин Дол, Горно Коњаре, Орашац, Табановце, Сопот и Агино Село.
Секојдневното загадување и колапсот во општината поради снегот ја откриваат неспособноста на локалната власт предводена од СДСМ, каде што оваа партија диктаторски владее веќе 26 години.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
