Честитка од почесниот конзул на Руската Федерација во Македонија по повод Божиќ

Почесниот конзул на Руската Федерација во Република Македонија Сергеј Самсоненко упати честитка до православните верници во Македонија по повод големиот христијански празник Божиќ.

– На сите граѓани во Македонија кои го слават Божиќ, им посакувам радоста на Христовото раѓање да им ги исполни срцата и домовите со мир и љубов кон другиот. Христијанството нè учи на уважување, толеранција и заедништво, а славењето на најголемиот христијански празник испраќа порака да се собереме и заедно данаправиме сè да имаме општество со среќни луѓе. Ова е можност не само да покажеме подготвеност, туку и да чиниме добро и да бидеме дарежливи кон другите. Искрено посакувам Божик да го поминете во христијански дух кој во секој човек буди топлина и радост, се вели во честитката од Самсоненко до православните верници во Македонија.

Во тоа име и надеж, се додава, Ви посакувам среќен и благословен Божиќ. Дочекајте го во добро здравје со своите најблиски.