Груевски: Заев 11 ипол години е градоначалник на Струмица и ниту една фабрика нема донесено, зарем очекувате да донесе во другите градови
Довербата од граѓаните ние ја базираме на проекти и реализирани ветувања. Таа доверба е цврста затоа што и делата кои ги направивме се реални. Ние за разлика од нашите конкуренти најважна преокупација ни се проектите, а не апстрактните поими кои ни тие самите не ги разбираат, изјави на митингот во Македонски брод лидерот на ВМРО-ДПМНЕ, Никола Груевски.
-За да се ветува нешто потребно е да се има кредибилитет. И секако тука запрашајте се, кој навистина има реализирано проекти, кој навистина решава проблеми, кој навистина носи инвестиции. ВМРО или СДСМ. Луѓето кои донеле инвестиција понудиле решенија тоа верувајте повторно ќе го прават, но луѓето од СДСМ кои ја изгубиле вашата доверба, кои не направиле ништо а имале можност, кои не донеле една единствена инвестиција, нема тоа да го направат сега. Тоа се истите луѓе. Нивниот предводник 11 ипол години е градоначалник на Струмица, една фабрика во Струмица нема донесено, а камоли во Македонски Брод да ви донесе, шпто да ви кажам понатаму. Човекот неможе во неговата општина една компанија да донесе од на отвори, 1000, 500, 300, колку било работни места, а да очекуваме дека ќе донесе и во Брод, во Каменица, во кичево или било каде, таа работа нема да ја видите, рече Груевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
