Важна вест за возачите: Проверете каде има прекин на сообраќајот
Кај село Порој во прекин е сообраќајот на регионалниот пат Тетово - Јажинце, а како алтернатива се корисити патот низ селото, информираат од Авто мотосојузот на Македонија.
Поради надојдена вода на Вратничка река, целосно е оштетен мостот кој сообраќајно ги поврзува селата Орашје и Нераште.
Патниот правец Тетово - Попова Шапка е исчистен и сообраќајот се одвива нормално во двата правци.
Делот од коловозот на регионалниот пат Тетово – Јажинце, кај село Доброште е исчистен и на тој дел од патот сообраќајот е нормализиран.
Од АМСМ посочуваат дека сообраќајот на сите државни патишта се одвива по суви коловози. Интензитетот на сообраќај на патните правци надвор од градските средини е зголемен.
- На граничните премини нема подолги задржувања за влез и за излез од државата. Оваа информација се однесува само за македонската страна на премините, велат од АМСМ.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа