После пеколот подгответе се за дожд
Претпладне преовладуваше сончево, а во западните делови имаше мала до умерена облачност.
Во раните попладневни часови најпрво во планинските подрачја, а потоа и на повеќе места во западна Македонија (Охрид, Струга, Пелагонија, Крушево, Кичево, Тетово) беше нестабилно со пороен дожд, грмежи и засилен ветер. Подоцна изолирана нестабилност имаше и во централните и источните делови. Во местата со врнежи температурите опаднаа за 6 до 8 степени,информираат од УХМР.
И до крајот на денот се уште има услови за локална појава на краткотраен пороен дожд, грмежи и засилен ветер. Во вечерните часови времето ќе се стабилизира и врнежите ќе престанат. Во текот на ноќта ќе преовладува малку до умерено облачно и претежно тивко време.
Сончево и топло со мала до умерена облачностне очекува утре. Попладне ќе има локална појава на пороен дожд и грмежи. Ќе дува слаб, а долж Повардарието умерен северен ветер, кој ќе придонесе температурите во северните делови да бидат малку пониски. Утринската температура ќе биде во интервал од 13 до 22, а дневната од 31 до 38 степени. УВ индексот ќе биде 8.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа