Поднесени 40 барања за штетите од поплавите во Виница
![](http://press24.mk/sites/default/files/2015/02/13/dsc6836.jpg)
Подрачната единица на Министерството за земјоделство, шумарство и водостопанство од Виница по направениот увид на терен и пријави од граѓани информира дека со поплавите во овој регион се зафатени 300 хектари земјоделски култури, од кои директна штета е направена на 90 хектари.
Најмногу настрадале површините под есенски жита и тоа 34 хектари кои се наоѓаат во близина на коритата на реките Осојница и Брегалница,чие излевање беше и најголемо за време на поплавите.
Инаку, во општина Виница досега се поднесени 40 барања од граѓани со пријави за штети кои се однесуваат најмногу на земјоделски површини и паднати зидови од свлечување на земја.
Од општина Виница истакнуваат дека проценката на штетата допрва ке се утврдува.
Оцени ја веста
13.02.2015 - 13:19
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа