ФОТО+ВИДЕО: Роби Вилијамс е нов шеф на Фолксваген
Германската компанија „Фолксваген“ соопшти дека го назначиле за раководител на маркетингот познатиот британски музичар и пејач Роби Вилијамс. Во соопштението се наведува дека тој ќе е клучна фигура во рекламната кампања на новата моделска серија „Сlub & Lounge“.
Предвидено е девет нови модели да влезат во оваа серија, меѓу нив „Tiguan“, „Beetle“ и „Golf“.
Според извори од „Фолксваген“ заедничката работа со пејачот веќе дава позитивни резултати – биле регистрирани околу 20 креативни идеи за рекламирање на „Club & Lounge“.
Роби Вилијамс е еден од најпродаваните современи музичари во Велика Британија и Европа. Досега се реализирани 77 милиони копии на неговите албуми.
Со негова помош и со предвидените 85.6 милијарди евра, германската компанија се надева дека ќе ги стигне јапонците од „Тојота“, кои се на прво место по производство и продажба на автомобили во светот.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа