„Не купувајте го тоа ѓубре! Никогаш не сум рекламирал, ниту ќе рекламирам производ“. Со остра реакција се огласи микробиологот д-р Никола Пановски, откако интернет просторот повторно беше преплавен со лажни видеа и интервјуа во които се злоупотребува неговиот лик за продажба на сомнителни препарати.
Пановски упати драматично предупредување до граѓаните, особено до хронично болните. Најопасно е, вели тој, што некои пациенти лажните „чудотворни лекови“ ги користат како замена за редовната терапија.
„Тој посебно предупреди дека е опасно прекинувањето на редовната терапија пропишана од лекари и нејзино заменување со вакви производи, особено кога станува збор за терапија за дијабетес“, стои во неговиот апел.
Докторот ги советува сите што наседнале на измамата и купиле таков производ – веднаш да го фрлат.