По трагичната вест за смртта на Владимир Блажев – Панчо, неговите пријатели и соработници од македонската музичка сцена продолжуваат да се збогуваат со емотивни пораки.
Пејачката Тамара Тодевска ја сподели својата длабока тага преку социјалните мрежи:
Не беше овој свет за тебе, не е ова место за луѓе со премногу љубов, добрина и талент. Ти од сѐ ова имаше во неизмерни количини и сакам да верувам дека одиш на подобро место. Многу дружби, спомени, концерти, снимања… Многу смеење, музика и емоции… Горда сум што имав брат како тебе, другар за цел живот, колега кој знаеше да ме критикува, пофали, советува… Патувај мирно Џуџе. Секогаш ќе те сакам, сподели Тамара Тодевска.