До 17 часот попладнево најмногу дожд наврнал во Пожаране и Ѓуриште, 24 литри на метар квадратен, а најмалку, три литри на единица површина, во Берово. Најстудено е на Попова Шапка, во Маврови Анови и Лазарополе, еден степен целзиусов, додека максимални 12 степени се измерени во Струмица.
До 17:30 часот се измерени и 3 степени во Крушево, 7 во Скопје – Зајчев Рид, Прилеп, Тетово и Охрид, 8 во Берово, Крива Паланка, Битола, Штип, Велес и Кавадарци, 9 во Претор, Виница и Демир Капија, 10 во Скопје – Петровец, како и 11 степени во Гевгелија.
Изминатите 9 часа, до 17 часот попладнево наврнале 22 литра дожд на метар квадратен во Тетово и на Попова Шапка, 21 во Битола, 20 во Маврови Анови и Демир Капија, 18 во Гевгелија, 15 во Крушево, 14 во Велес, 12 во Претор и Штип, 10 во Лазарополе, 9 во Скопје – Зајчев рид и Крива Паланка, 8 во Охрид, 6 во Скопје – Петровец и Прилеп, како и 5 литри на метар квадратен во Струмица.
Според УХМР, до крајот на денот се очекуваат пообилни врнежи од дожд, а на планините врнежите од дожд ќе преминат во снег. Ќе дува умерен до засилен ветер од северен правец.