Заканувачка порака оставена на автомобил и претходни закани преку социјалните мрежи пријавил 30-годишен скопјанец во полиција.
Според информациите од МВР, на 15 ноември, во 21:15 часот, К.Н. (30) пријавил дека на своето патничко возило, паркирано во подземна гаража на станбена зграда во општина Аеродром, пронашол ливче со заканувачка содржина.
Тој пријавил и дека претходниот месец добил заканувачка порака преку социјална мрежа, поврзана со кошаркарскиот клуб во кој моментално настапува.
Од МВР информираат дека се преземаат мерки за расчистување на случајот.

