Министерството за внатрешни работи во следниот период ќе ги стави во функција новите патролни возила опремени со камери кои снимаат во 360 степени. Тие ќе се користат за мобилно мерење на брзината, санкционирање на непрописно паркирани возила и казнување возачи кои не им даваат предност на пешаците.
Новите бели модели „Форд Фокус“ доаѓаат со интегриран радарски систем, камери со висока резолуција и напреден софтвер кој во реално време идентификува и документира прекршок. Возилата ќе патролираат на делови од улиците каде нема фиксни камери, а системот автоматски ќе генерира и испраќа казни по електронска пошта.
Од МВР се уште нема потврда на овие информации.