Српскиот претседател Александар Вучиќ од официјалната посета на Казахстан упати драматично предупредување до светската јавност. Тој оцени дека конфликтот во Украина нема наскоро да заврши и дека светот се движи кон една од најтешките години во поновата историја.
„Сите знаете што мислам. Секој стигнува до ќорсокак, а кога сте во ќорсокак, се движите само кон потешки решенија. Не би ја исклучил можноста во текот на оваа година да се користи неконвенционално оружје“, изјави Вучиќ во Астана.
Претседателот нагласи дека се плаши оти неговите проценки за долготраен конфликт ќе се покажат како точни, што дополнително ја комплицира глобалната безбедносна и економска ситуација.