По подолг период минат во Чикаго, македонската дизајнерка Ива Спасовска се враќа на домашната креативна сцена со нови модни парчиња кои го привлекоа вниманието на јавноста. Нејзиниот нов проект опфаќа две поврзани креации под имињата IMPERIA и LETTERA.
Станува збор за унисекс јакна со изразен скулптурален волумен, која поради својот дизајн овозможува двонаменско носење – класично како јакна или самостојно како фустан. Креацијата е изработена рачно од сјајна, испукана еко-кожа. Како придружен дел доаѓа и оверсајз чантата „LETTERA“, изработена од истиот материјал.
Дизајнерката на социјалните мрежи откри дека после година и половина повторно решила да креира и да создава парчиња за македонската публика.
За потсетување, Ива Спасовска подолг период живееше во Чикаго, а на Инстаграм откри дека овојпат се вратила дома со 10 куфери тешки над 200 кг.