Познатата манекенка Катарина Ивановска е главната ѕвезда во новиот видеоспот на Young Dadi, кој со многу хумор и ретро детали го оживува духот на минатото време.
Во видеото, меѓу сцените што измамуваат насмевка е нивното заедничко возење низ градот во легендарна „лада“. Автомобилот совршено се вклопува во југословенската приказна, но не успева да ги однесе до посакуваната дестинација без дефекти. Кога возилото ќе се расипе, Катарина мора да излезе и да го турка, што претставува една од најубавите комични сценски моменти.
Зад видеото стои „TAKAT STUDIOS“, додека извршната продукција е на „Авалон продукција“. Музиката и текстот се потпишани од самиот Дади, додека аранжманот, миксот и мастерингот се дело на Andrejnik. Во создавањето на песната учествуваа и Никола Мицевски и Димитар Николов како копродуценти, а на соло-гитарата свири легендарниот Зеле Липовача.