Премиерот Христијан Мицкоски денеска испрати порака за спокој до граѓаните, нагласувајќи дека државата е безбедна и мирна и покрај тензиите на Блискиот Исток. По одржаниот Совет за безбедност кај претседателката, сите служби и министерства потврдиле дека во моментов не постои директен ризик за Македонија.
Истовремено, премиерот најави дека денеска започнува клучната фаза од евакуацијата на македонските државјани. „Владиниот авион попладнево полетува од Израел со што завршува евакуацијата од таму, а веќе се организирани летови и за нашите граѓани во Катар, Бахреин и Емиратите, кои ќе бидат на товар на државата“, изјави Мицкоски.