„Се договоривме да бидеме фокусирани на решенија, на работа и на реализација на проекти, а не на избори“ – вели Изет Меџити, еден од копретседателите на Вреди, коалициониот партнер во владиното мнозинство.
По искрите кои се јавија меѓу двете партии по вонредните локални избори во Брвеница, од Вреди велат дека комуникацијата се одвива нормално и покрај тоа што на некои теми, партнерите имаат различни мислења.
„Со премиерот Мицкоски имаме редовни средби. Ние сме дел од Владата, партнери сме во Владата, но не размислуваме секогаш исто. Има моменти кога имаме различни мислења, кога се судираме во ставовите и позициите, но Владата има демократски капацитет тие разлики да ги надмине внатрешно и да продолжи напред. Значи, фокусирани сме на решенија, а не на избори. Постојано се среќаваме со премиерот и не е никаква новост да кажеме дека имаме средби.“ – рече Меџити.
По победата на ДУИ во Брвеница ВМРО-ДПМНЕ го обвини коалициониот партнер дека не дал соодветна поддршка. Овие позиции во СДСМ беа примени како подготовка на терен за предвремени избори.