Четириесет и шестгодишната К.С.Г. од Скопје била лишена од слобода синоќа на подрачјето на Карпош по пријава за физички напад врз нејзината малолетна ќерка.
Според информациите од Министерството за внатрешни работи, случајот во полиција бил пријавен од нејзиниот 47-годишен поранешен сопруг.
„Вчера во 20:00 часот во Скопје, на подрачјето на Карпош полициски службеници од СВР Скопје ја лишија од слобода К.С.Г.(46) од Скопје по претходна пријава од нејзиниот 47-годишен поранешен сопруг дека физички ја нападнала нивната малолетна ќерка. По целосно документирање на случајот ќе следува соодветен поднесок“, соопштија од МВР.