Двајца американски туристи се полесно повредени утрово во напад со нож во непосредна близина на Акрополот во Атина, објави грчката телевизија Скај.
Според првичните информации напаѓачот е грчки државјанин за кого се наведува дека има сериозни психички нарушувања.
Тој првично ги заплашувал минувачите со нож на јужниот влез од историскиот локалитет.
Потоа било утврдено дека истото лице, без никаков повод или причина, со нож им нанело полесни повреди во пределот на рацете на американските туристи.
Напаѓачот бил брзо совладан и приведен од страна на полициските службеници кои биле присутни на терен.
Засега полицијата нема објавено дополнителни детали за идентитетот на инволвираните и мотивите за нападот.