Поранешниот градоначалник на Струмица, Коста Костадинов, денеска излезе со реакција во која ги отфрла во целост наводите за сомнение за сторено кривично дело во врска со јавната набавка на електричните автобуси, за која СВР Струмица поднесе кривична пријава против него и уште пет лица.
Ги отфрлам во целост наводите за сомнение за сторено кривично дело во врска со јавната набавка на електричните автобуси во Струмица, истакна Костадинов.
Костадинов потенцираше дека проектот од стратешко значење за општина Струмица од кој, денес во пракса сите жители на општината имаат јасни економски, еколошки и сообраќајни бенефити, процедурално е инициран од Општината, изгласан на Советот на Општина Струмица, со јасни насоки за формирање Јавно Сообраќајно Претпријатие, спроведување на јавна набавка за автобуси и имплементација на проектот.
„Верувам дека сите овие чекори се спроведени според важечките закони. Истовремено, сакам да потенцирам дека лично јас, а се надевам и сите наведени лица за кои што постои сомневање дека сториле кривично дело, стоиме на располагање на сите надлежни органи и институции со цел да им биде елаборирано и појаснето на каков начин е спроведен овој проект кој денес беспрекорно функционира во пракса.
Политички коментар не би сакал да давам“, нагласи Костадинов.
- ФОТО: Вонредна дезинсекција во Драчево против ларви и комарци
- Австриски климатолог предупредува: Ова е веројатно најладното лето во следните 300 години
- „Повеќе зеленило, почист воздух, поквалитетен живот” – Бутел добива мега парк од 50.000 квадратни метри
- Албанија ја зголеми површината на јавните плажи за над 300.000 квадратни метри
- ЕУ воведува строги правила
- УХМР со метео предупредување: Следува голема промена следните два дена
- Скандал во Словенија: Лажен полицаец 18 месеци учествувал во акции на аеродромот „Брник“
- Го фатиле со оружје – Македонската полиција приведе едно лице
