Close Menu
Press24
    Најново

    Македонец предизвика голема полициска акција во Швајцарија

    30.10.2026 во 23:51

    Милијарди долари под знак прашалник: Хакери ја нападнаа најголемата криптоберза „Бајнанс“

    30.10.2026 во 23:29

    Масовни протести и судири со полицијата во Италија: Осуммина уапсени, користени водени топови во Рим и Торино

    30.10.2026 во 23:18
    Facebook X (Twitter) Instagram
    • Македонец предизвика голема полициска акција во Швајцарија
    • Милијарди долари под знак прашалник: Хакери ја нападнаа најголемата криптоберза „Бајнанс“
    • Масовни протести и судири со полицијата во Италија: Осуммина уапсени, користени водени топови во Рим и Торино
    • Прво обраќање на Криста Пајк по неуспешната егзекуција: „Болката е и во мојот ум и во душата“
    • Илјадници луѓе на улиците на Франција по крвавиот масакр
    • САД наредија евакуација на дел од дипломатскиот персонал од Саудиска Арабија
    • Врховниот суд ја потврди казната: 12 години затвор за Стојанче Јовановски
    • УХМР со најнови мерења: Еве каде е најстудено вечерва во Македонија
    • Најново
    • Популарно
    • Маркетинг
    • Импресум
    Facebook Instagram TikTok
    Press24Press24
    • Насловна
    • Македонија
      • Политика
      • Скопје
      • Црна хроника
    • Бизнис
    • Свет
      • Регион
    • Забава
    • Спорт
    • Технологија
    • Интервју
    Press24
    Home » Ќе се сослушуваат сведоци и законски застапници на оштетените: Продолжува судење за пожарот во Пулс

    Ќе се сослушуваат сведоци и законски застапници на оштетените: Продолжува судење за пожарот во Пулс

    26.01.2026 во 10:002 Mins Read
    Сподели
    Facebook Twitter WhatsApp

    Во судницата во Идризово денеска треба да продолжи судењето за катастрофалниот пожар во дискотеката Пулс во Кочани, во кој животот го загубија 63 лица, а над 200 беа повредени. На денешното рочиште е предвидено сослушување на сведоци и законски застапници на оштетените.

    Овој судски процес продолжува по одложувањето на претходното рочиште, кое беше побарано од бранителката на поранешниот директор на Дирекцијата за заштита и спасување, Аднан Џаферовски. Неговата адвокатка, Сузана Јошевска-Анастасовска, во меѓувреме беше избрана за член на Судскиот совет, што наложи прилагодување во одбраната.

    На последното рочиште одржано во декември, атмосферата во судницата беше исполнета со солзи и болни лелеци додека семејствата на загинатите ги слушаа потресните сведочења на мајките. Додека сведоците низ болка порачуваа дека по 16 март нивниот живот засекогаш се променил, обвинетите молчеа со наведнати глави.

    Обвинителот Борче Јанев во своето воведно излагање порача дека ова судење е чекор кон утврдување на лична, но и на институционална одговорност. Според него, општеството мора да дознае кој дозволил, кој молчел и кој не ја спречил трагедијата. Тој посочи дека не е важен само тој што го запалил огнот, туку и сите што имале можност да го спречат, нагласувајќи дека долгогодишните системски пропусти и недостигот на контрола го претвориле објектот во смртоносна стапица. Јанев подвлече дека правдата се бара како последица на незаконитост и занемарена должност, а не како чин на одмазда.

    Од друга страна, повеќемина обвинети преку своите адвокати ја оспорија основаноста на обвинението. Нивната одбрана тврди дека обвинетите не презеле дејствија што директно довеле до пожарот и дека поседувале валидна документација. Тие вината ја префрлаат на институционалните пропусти. Сопственикот на дискотеката, Дејан Јованов, истакна дека како родител никогаш не би дозволил небезбедни услови во клубот, додека неговиот син Михаил тврди дека против него нема докази и дека е обвинет само поради семејната поврзаност. Сите останати обвинети изјавија дека не чувствуваат вина.

    Трагедијата се случи на 16 март 2025 година за време на настап на групата ДНК. Истрагата покажа дека во дискотеката имало прекумерен број посетители и дека пиротехнички средства биле активирани без соодветна дозвола. Покрај тоа, беше утврдено дека објектот работел незаконски повеќе од една деценија, без минимално-технички услови и без соодветен систем за противпожарна заштита.

    Прочитај повеќе

    Врховниот суд ја потврди казната: 12 години затвор за Стојанче Јовановски

    30.10.2026 во 22:37

    УХМР со најнови мерења: Еве каде е најстудено вечерва во Македонија

    30.10.2026 во 22:18
    Facebook X (Twitter) Instagram
    • Насловна
    • Најново
    • Импресум
    • Маркетинг
    Њу Медиа Комјуникејшн © 2010 | сите права заштитени

    Type above and press Enter to search. Press Esc to cancel.