Времето денеска ќе биде претежно сончево со мала до умерена облачност, откако претпладне ќе се расчисти маглата која е можна по одделни котлини. Максималните температури ќе се движат во релативно топол опсег од 18 до 23 степени.
Во Скопје се очекува максимална температура до 20 степени, исто така со можна појава на утринска магла.
Според прогнозата на УХМР, стабилно и суво време со утринска магла ќе се задржи и утре.
Влошување на временските услови се очекува од понеделник попладне. Во текот на ноќта кон вторник и во текот на вторникот ќе има повремени локални врнежи од дожд, кои на одредени места ќе бидат пообилни.
Заедно со дождот, ќе започне да дува умерен, а на места и засилен северен ветер. Оваа промена ќе донесе и пад на дневните температури за неколку степени.
Од среда, според најавите, времето повторно ќе биде стабилно и суво.