Хасани ја прими првата доза од вакцината против Ковид 19
Заменик-министерот за здравство, д-р Илир Хасани денеска ја прими првата доза од вакцината против вирусот Ковид-19 на компанијата Фајзер. Неговиот термин за ревакцинација, е по 21 ден од денеска. По вакцинацијата рече дека се чувствува добро и апелираше граѓаните да се пријават за имунизација за побрзо завршување на епимидемијата од коронавирусот.
-Текот на вакцинацијата се одвива без ниту една пречка и со планиран ритам. Приближно 1.300 луѓе досега се вакцинирани и сакам да ги охрабрам сите граѓани да го следат мојот пример, а и нашиот пример, на сите здравствени работници и да се вакцинираат. Се надевам дека останатите вакцини ќе стигнат скоро и процесот на имунизација на нашето население ќе се заврши што побрзо и да се вратиме сите во нормала, и нормален живот, рече Хасани.
Во следните денови се чека пратката од 200.000 дози од кинеската вакцина на „Синофарм“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
