Груевски по смртта на Мазлум Хасан: Беше исклучително позитивна и ведра личност, пријателски расположен кон секого, многу добродушен човек

Мазлум Хасан, поранешниот градоначалник на Општина Центар Жупа, почина како последица од компликации од Ковид-19. Хасан почина на 52-годишна возраст.

Сочувство до семејството изрази и поранешниот премиер Никола Груевски.

-Замина Мазлум Хасан.

Мазлум беше исклучително позитивна и ведра личност, пријателски расположен кон секого, многу добродушен човек, секогаш спремен секому да помогне. 

Беше одличен градоначалник на општината Центар Жупа, успешен бизнисмен и кандидат за пратеник на ВМРО-ДПМНЕ. 

Тој е уште една жртва на вирусот Covid-19 кој иако го затекна целосно здрав на 52годишна возраст успеа да го совлада.

Неговото заминување е непроценлива загуба за неговото семејство, за неговите роднини, пријатели, соработници, сограѓани, за турската заедница во Македонија и за ВМРО-ДПМНЕ. 

Ќе го паметиме како добар, комуникативен и способен човек и градоначалник, кој остави трага зад себе создадена од неговиот лик полн со позитивна енергија, неговата работа, делување и активности. 

Нека почива во ми, напиша Груевски.