Во тек се претреси на повеќе локации ширум државата што ги спроведуваат службеници од Управата за финансиска полиција, под раководство на надлежен јавен обвинител од ОЈО Скопје, поради сомневања за сериозен финансиски криминал и проневера на буџетски средства.
По повод акцијата, од Управата за финансиска полиција информираа:
– Акцијата произлегува од предистражна постапка насочена кон откривање и документирање на кривични дела од областа на финансискиот криминал за кои постојат основи на сомнение дека се извршени од службени лица со цел стекнување противправна имотна корист од големи размери и со кои се проневерени буџетски средства во износ од речиси 80 милиони денари. Во рамки на акцијата, а во согласност со насоките на надлежниот јавен обвинител, од страна на овластени службени лица од Управата за финансиска полиција, лишени од слобода се две лица.
Според досегашните информации, приведени се две лица, а дополнителни детали за резултатите од претресите се очекуваат по завршувањето на теренските активности.