Приведен 57-годишен кичевец: Полицијата му го одзеде „цитроенот“

Вчера во 17:15 часот на улицата .„Магистрален пат“ во Кичево, полициски службеници од ОВР Кичево го лишија од слобода Д.К.(57) од Кичево.

При контрола во патниот сообраќај, полициските службеници сопреле патничко возило „цитроен“ со кичевски регистарски ознаки, кое тој го управувал и по извршени проверки било констатирано дека го управувал возилото без да поседува возачка дозвола.

По наредба на јавен обвинител, возилото е одземено и по целосно документирање на настанот против него ќе биде поднесена кривична пријава по член 297-а од Кривичниот законик – „безобѕирно управување со моторно возило“.