Го запреле на проверка – му нашле кокаин, марихуана, таблети, непозната течност

На 28.10.2025 во 13:20 часот во Гевгелија, полициски службеници од СВР Струмица-ОВР Гевгелија го лишија од слобода М.М.(45) од Гевгелија. При преглед кај него и во патничкото возило „пежо“ со гевгелиски регистарски ознаки, кое го управувал, пронајдени и одземени се кокаин, марихуана, мали шишиња исполнети со течност и таблети. Подоцна, со судска наредба, извршен е и претрес во неговиот дом, при што се пронајдени и одземени предмети со остатоци од марихуана. За настанот е запознаен јавен обвинител од Основното јавно обвинителство Гевгелија, а по документирање на случајот против него ќе биде поднесена соодветна пријава.