Франција „привремено“ им дозволи на американските воздухопловни сили да ги користат нејзините воени бази на Блискиот Исток, во ек на конфликтот меѓу САД и Израел против Иран. Оваа информација за агенцијата АФП ја потврди францускиот Генералштаб, нагласувајќи дека мерката е дел од соработката со Вашингтон.
Портпаролката на штабот појасни дека присуството на американските летала е со цел заштита на партнерите во Заливот. Според официјалното соопштение:
„Како дел од нашите односи со САД, присуството на нивните авиони е привремено одобрено во нашите бази во регионот. Овие авиони придонесуваат за заштита на нашите партнери во Заливот“.
Претседателот Емануел Макрон најави распоредување на значајни воени капацитети, вклучувајќи го и носачот на авиони „Шарл де Гол“ во источниот Медитеран. Иако Макрон тврди дека офанзивата на САД и Израел е надвор од меѓународното право, тој инсистира дека Франција мора да ги заштити сопствените бази и сојузници како Катар, Кувајт и ОАЕ.