Ердоган денеска телефонски ќе разговара со Путин и Зеленски

Турскиот претседател Реџеп Таип Ердоган денеска телефонски ќе разговара со рускиот и украинскиот колега Владимир Путин и Володимир Зеленски, изјави портпаролот на Кабинетот на турскиот претседател Ибрахим Калин, јавува Анадолија.

Говорејќи на телевизија, Калин рече дека Турција ја продолжува својата „интензивна дипломатија“ со Русија и Украина во услови на тековната војна меѓу двете страни.

– Навистина, нашите релевантни министри, министри за надворешни работи и за одбрана и други колеги разговараат со своите колеги од двете страни – додаде Калин.

Тој исто така рече дека Турција е единствената земја која „смислено“ ги доведе Русија и Украина на преговарачка маса.

– Турција е единствената земја што може да го направи тоа во овој капацитет – рече Калин.

Турција, која доби меѓународна пофалба за својата единствена посредничка улога меѓу Украина и Русија, постојано ги повика Киев и Москва да ја прекинат војната преку преговори,пренесе Аваз.ба.