Речиси смртоносна количина алкохол во крвта имал 45-годишен стружанец кој управувајќи автомобил предизвикал сообраќајна несреќа на регионалниот пат кај селото Калишта.
Инцидентот се случил во вечерните часови кога возачот целосно изгубил контрола над својот автомобил „тојота“ со струшки ознаки и удрил на патот, загрозувајќи го сопствениот живот и безбедноста на сите останати учесници во сообраќајот.
Полициските патроли веднаш излегле на терен и при алкотестирањето на лице место останале затечени – апаратот измерил дури 2,56 промили алкохол кај стружанецот.
Против пијаниот возач Н.Б. ќе биде поднесена кривична пријава за „безобѕирно управување со моторно возило“. По наредба на јавен обвинител, неговиот автомобил е веднаш конфискуван и одземен од страна на полицијата.
- „Четириесет и петгодишен стружанец е приведен откако, управувајќи автомобил под дејство на алкохол, предизвикал сообраќајна незгода на регионалниот пат кај струшкото село Калишта. Како што соопшти МВР, настанот се случил на 18 јули во 21:12 часот. Н.Б. (45) од Струга управувал „тојота“ со струшки регистарски ознаки, а при увидот полициските службеници констатирале дека имал 2,56 промили алкохол во крвта. По налог на јавен обвинител, возилото му е одземено, а по целосното документирање на случајот против него ќе биде поднесена кривична пријава за кривично дело „безобѕирно управување со моторно возило““, се вели во официјалното соопштение на МВР.