31-годишен жител на Кочани е приведен откако полицијата при претрес во неговиот дом пронашла 197 парфеми од познати брендови, како и поголемо количество козметички и други производи за кои немал документација.
Претресот бил извршен со судска наредба, а според полицијата, постојат сомненија дека станува збор за кривично дело „повреда на права од индустриска сопственост и неовластена употреба на туѓа фирма“.
Лицето било лишено од слобода на 18 ноември во 17:25 часот од страна на полициски службеници од ОВР Кочани.
За случајот бил известен јавен обвинител, а по целосното документирање на настанот ќе следува соодветна пријава.

