Дечко и девојка од Албанија со нож нападнале тетовец 

Две лица од Република Албанија, 26-годишниот К.Л. и 16-годишна малолетничка, се лишени од слобода вчеравечер во Тетово по инцидент поврзан со паркирање. Според СВР Тетово, инцидентот се случил околу 16:00 часот. П.И. (34) од Тетово пријавил дека по вербална расправија за паркирано возило „фолксваген“ со албански таблички, бил физички нападнат. Во нападот, К.Л. се обидел да употреби остар предмет, додека малолетничката го удрила тетовецот со тврд предмет. Полицијата ги пронашла и привела сторителите во 20:00 часот, а по документирање на случајот ќе следи соодветен поднесок.