На територијата на државата денеска, 31.08.2026 година, до 13:00 часот беа регистрирани вкупно 13 пожари на отворен простор, соопштија од Центарот за управување со кризи. Според последниот извештај, 9 пожари се сè уште активни, 3 се ставени под контрола, додека 1 е целосно изгаснат.
Активните жаришта во моментот се наоѓаат на следните локации:
- Општина Ресен: с. Подмочани, на местото викано Макази (зафатени се борова шума и ниска вегетација);
- Општина Сарај: на потегот с. Копаница – с. Радуша (нискостеблеста шума и ниска вегетација);
- Општина Зелениково: над селото Палиград (гори мешана шума);
- Општина Чашка: над селото Нежилово, м.в. Сватови (ниска вегетација и единечни дрва);
- Општина Боговиње: кај с. Урвич (нискостеблеста вегетација);
- Општина Врапчиште: кај с. Градец (зафатена е борова шума);
- Општина Ново Село: помеѓу с. Барбарево и с. Стиник (ниска вегетација и мешана шума);
- Општина Струга: кај с. Долна Белица (гори стрниште);
- Општина Кривогаштани: кај с. Ловени (ниска вегетација).
Под контрола на противпожарните екипи се ставени 3 пожари, и тоа на подрачјето на општините Гостивар и Македонски Брод кај с. Трново кон селата Битово, Заград и Страјане, кај с. Драгов Дол во општина Македонски Брод, како и пожарот на градската депонија Острец во Делчево.
Во изминатиот период целосно е изгаснат пожарот кај клучката Арачиново – Илинден во општина Гази Баба.