Вчеравечер Автокоманда беше срцето на најголемата прослава досега по повод 50 години Општина Гази Баба.
Повеќе од 20.000 граѓани беа дел од оваа незаборавна вечер исполнета со музика, насмевки, позитивна енергија и забава за сите генерации.
„Плоштадот беше преполн, атмосферата неверојатна, а заедничката енергија покажа дека кога сме заедно — создаваме моменти кои се паметат! Ова не беше само музички настан. Ова беше голем заеднички роденден — прослава на луѓето, на заедништвото и на нашата Гази Баба“, истакна градоначалникот на Општина Гази Баба, Бобан Стефковски.
Тој упати искрена благодарност до сите општествено одговорни компании кои помогнале во реализацијата на програмата и придонеле оваа вечер да биде вистински спектакл, а исто така им се заблагодари и на уметниците Мелани Тарчуловска, Огнен Здравковски, Два Бона, Каролина Гочева и Пеѓа Јовановиќ за одличните настапи и незаборавната атмосфера.
„Благодарам на секој еден од вас што беше дел од оваа историска вечер! Гази Баба, ова беше нашата вечер“, порача градоначалникот.