Бајден: Ураганот Ијан предизвика најголема штета досега

Американскиот претседател Џо Бајден изјави денеска дека ураганот Ијан на Флорида предизвикал штета која веројатно е меѓу најголемите во историјата и нареди да се преземат сите можни активности за да се спасат човечки животи.

„Штетата предизвикана од ураганот се утврдува“ изјави Бајден пред новинарите, пренесе „Ројтерс“.

Ураганот денеска продолжи кон Јужна Каролина откако вчера ја погоди Флорида, кога загинаа 19 лица, проследен со обилни дождови кои предизвикаа катастрофални поплави и прекин на електричната енергија низ американската сојузна држава.