По хаосот предизвикан од густата магла, авиосообраќајот на Меѓународниот аеродром Скопје постепено се нормализира. Според информациите од ТАВ Македонија, во периодот од вчеравечер до денес напладне, маглата предизвикала откажување на вкупно осум летови, додека еден бил пренасочен.
Кои летови беа откажани?
- Во пристигнување: Белград, Истанбул и Истанбул (Сабиха Гокчен).
- Во заминување: Цирих, Белград, Атина и двата лета за Истанбул.
- Пренасочен: Летот од Франкфурт-Хан.
Од аеродромскиот оператор нагласуваат дека аеродромот е отворен и во функција, но ги советуваат патниците постојано да ги следат информациите од своите авиокомпании, бидејќи секоја од нив има различен праг на толеранција за видливост при слетување.