Петнаесетгодишно момче од Гостивар е пренесено на скопските клиники со тешки телесни повреди, откако се лизнало и паднало по скалите во својот семеен дом, соопшти МВР. Момчето било донесено во болница без знаци на живот, но по брзата интервенција, лекарите успеале да го реанимираат.
Според полициските информации, случајот бил пријавен од Итната медицинска помош. По приемот на малолетникот без знаци на живот, медицинскиот персонал веднаш презел мерки за реанимација, по што момчето повторно дало знаци на живот.
Поради сериозноста на повреденото момче, со возило на Итната медицинска помош тоа било итно транспортирано во Комплексот клиники „Мајка Тереза“ во Скопје, каде му се констатирани тешки телесни повреди.
За несреќниот настанот бил известен јавен обвинител, а полициски екипи извршиле увид на лице место. Надлежните институции продолжат со преземање мерки за целосно утврдување на околностите под кои се случила несреќата.