Author: Author 03

Италијанската премиерка Џорџија Мелони изјави дека не верува оти Соединетите Американски Држави би употребиле воена сила за анектирање на Гренланд, оценувајќи дека такво сценарио би имало сериозни последици за НАТО. На традиционалната новогодишна прес-конференција, Мелони нагласи дека е неопходно „сериозно и значајно“ присуство на НАТО во арктичкиот регион, вклучително и во Гренланд, поради зголеменото геополитичко значење на ова подрачје. „Сè уште не верувам во хипотезата дека САД би започнале воена акција за преземање на контролата врз Гренланд, опција што очигледно не би ја поддржале“, изјави Мелони. Таа додаде дека таков потег не би бил во ничиј интерес. „Верувам дека тоа…

Министерот за надворешни работи Тимчо Муцунски ја осуди употребата на хиперсоничната балистичка ракета „Орешник“ од страна на Русија врз Лвив, Украина, оценувајќи ја како опасна и неодговорна ескалација. „Ја осудуваме употребата на хиперсоничната балистичка ракета ‘Орешник’ врз Лвив. Ова претставува неодговорна ескалација која ја загрозува регионалната и глобалната безбедност и дополнително го крши меѓународното право“, напиша Муцунски. Тој истакна дека Македонија стои на страната на Украина и ја поддржува иницијативата предводена од САД и европските партнери за постигнување сеопфатен и траен мир, нагласувајќи дека ваквите напади само ги поткопуваат мировните напори.

Поранешниот претседател на Руската Федерација, Дмитриј Медведев, реагираше на најновите глобални случувања, осврнувајќи се на рускиот напад врз Украина, апсењето на венецуелскиот претседател Николас Мадуро и на потезите на Соединетите Американски Држави, оценувајќи дека годината започнала „турбулентно“. Говорејќи за апсењето на Мадуро, Медведев наведе дека постојат само две можни сценарија. „Денес постојат само две сценарија: или САД тивко ќе го ослободат киднапираниот венецуелски претседател под убедлив изговор (мала веројатност), или тој ќе стане новиот латиноамерикански Мандела (најверојатно). Тогаш неговото име ќе биде запишано во аналите на јужноамериканската историја заедно со Боливар, Миранда и Чавез. Дури и ако Мадура, од тврдоглавост,…

Претседателот на ВМРО-ДПМНЕ и премиер Христијан Мицковски вечерва е во општина Маврово и Ростуше за поддршка на кандидатот за градоначалник за општината на локалните избори кои ќе се одржат во недела на 11 јануари. Вечерва сме во Маврово и Ростуше со силна енергија, јасна визија и искрена поддршка за Онер Јакупоски – Кандидат за Градоначалник за Општина Маврово и Ростуше, истакна Мицкоски. Мицкоски во објавата нотира: „Со искрена поддршка покажуваме дека кога сме сплотени и обединети, можеме многу повеќе. Заедно градиме надеж, доверба и развој за секое семејство“!

Врнежите од дожд во Албанија почнаа да се намалуваат во поголемиот дел од земјата, освен во Драч, но последиците од невремето остануваат сериозни. На состанок на Меѓуминистерскиот комитет за цивилни вонредни ситуации, премиерот Еди Рама соопшти дека досега се евидентирани 1.587 поплавени домови и други објекти, а евакуирани се 339 лица и 51 семејство. Тој потврди и една жртва – вработен во комуналната служба на општина Драч. Под вода се наоѓаат и 13.211 хектари земјоделско земјиште, што може да предизвика сериозни последици врз производството и снабдувањето. Рама нагласи дека во некои средини вода навлегла и во здравствени центри и образовни…

Бројот на жртвите во анти-владините протести во Иран се искачи на најмалку 62 лица, јавува американската новинска агенција „Активисти за човекови права“. Според истите извори, за време на демонстрациите се уапсени најмалку 2.300 лица. Иранските власти денеска најавија дека безбедносните сили ќе преземат репресивни мерки против демонстрантите, што е директен одговор на јавната поддршка за протестите од американскиот претседател Доналд Трамп, кој порано изрази поддршка за мирните демонстрации, откако бројот на загинати достигна најмалку 50 лица. Врховниот лидер на Иран, ајатолахот Али Хаменеи, го отфрли ставот на Трамп, оценувајќи го како човек „чији раце се извалкани со крвта на Иранците“.…

Швајцарските обвинители денеска соопштија дека е одреден притвор за еден од сопствениците на барот „Ле Констеласион“ во ски-центарот Кран-Монтана, кој изгоре во новогодишната ноќ. Во пожарот загинаа 40 лица, а локалните медиуми јавуваат дека налогот за апсење е веќе извршен. Обвинителството води истрага против сопствениците, француските државјани Жак (49) и Џесика Морети (40), под сомнение за сторени кривични дела кои вклучуваат убиство од небрежност. Притворот за Жак Морети е одреден поради опасност од бегство, откако семејствата на жртвите поднесоа тужби против сопствениците. Повеќе од половината загинати се тинејџери, а уште 116 лица се повредени, многумина во тешка состојба. Брачниот пар…

Сообраќајот низ државните патишта се одвива во зимски услови, по претежно влажни коловози. Сите патни правци се проодни, но на делници кои минуваат низ усеци и клисури можно е појава на поситни одрони, соопштуваат од ЈП Македонијапат. Слаби врнежи од снег се забележани на Попова Шапка, додека во Македонски Брод, Крушево и Ресен има врнежи од снег проследени со дожд. Од Јавното претпријатие апелираат до возачите на внимателно управување со возилата, почитување на поставената сообраќајна сигнализација и прилагодување на брзината според условите на патот. Дежурните екипи на претпријатието се постојано на терен и ги одржуваат сите патни правци проодни.

Претседателот на СДСМ, Венко Филипче, на средба со членството во Гостивар информираше дека по разговорите е постигнат заеднички договор СДСМ да даде поддршка за кандидатот Валбон Лимани за градоначалник на Гостивар од опозициската Алијанса за Албанците. „Апелирам да ги мобилизираме што повеќе членовите и да му даеме поддршка на Валбон“, порача Филипче, додавајќи дека изборниот циклус ќе биде јасен индикатор за опозициското расположение во Гостивар. Филипче додаде дека партијата има сериозни шанси да биде дел од идната локалната власт, со цел да обезбеди реална поддршка за сите граѓани на Гостивар. Претседателот Филипче посочи дека притисоците и злоупотребите во изборниот процес…

Претседателот на САД, Доналд Трамп, соопшти дека го откажал вториот бран напади врз Венецуела откако Каракас се согласи на соработка. Тој истакна дека САД и Венецуела сега добро соработуваат, а големите нафтени компании се подготвени да вложат најмалку 100 милијарди долари во обновата на инфраструктурата. „Ова е многу важен и паметен гест. САД и Венецуела добро соработуваат, посебно кога станува збор за обнова, во многу поголем, подобар и помодерен облик, на нивната нафтена и гасна инфраструктура. Поради оваа соработка, го откажав претходно очекуваниот втор бран напади, што изгледа нема да е потребен, но сите бродови ќе останат на место поради…