Author: Author 03

Секоја нова иницијатива која има за цел да го заобиколи директното спроведување на Законот за употреба на јазиците во испитите за кандидатите правници претставува голема измама и обид да се избегнат обврските што произлегуваат од законот. Прашањето за употребата на албанскиот јазик во овие испити не е прашање што бара нови решенија, нови иницијативи или нови толкувања, туку бара само спроведување на постоечкиот закон. Секое отстапување од овој пат во суштина претставува избегнување на законските обврски и деградација на постојниот јазичен статус, велат од ДУИ. Законот за употреба на јазиците е lex specialis и како таков се применува директно и…

Голема е довербата на граѓаните во новиот градоначалник на Скопје Орце Ѓорѓиевски, покажува последното истражување на јавното мислење на МКД.мк и агенцијата Маркет вижн. Од одговорите на испитаниците, хигиената и во Скопје и во другите општини е најголемиот проблем со кој градоначалниците треба да се справат. Истражувањето покажа дека проектот Безбеден град е добредојден и дека треба да се примени и во други градови. На прашањето колку сте задоволни од работата на градоначалникот на Скопје, половина од испитаниците (49%) одговорија позитивно, а 44,6 отсто се незадоволни. Речиси две третини од испитаниците одговорија дека градоначалникот на Град Скопје почна со исполнувањето…

Цените растат, мерки нема-владата на Мицкоски ги остави граѓаните сами, обвини на Прес конференција на СДСМ, Рената Младеновска, Членка на Извршниот одбор. Владата на Мицкоски ги остави граѓаните сами да се борат со скапотијата и со ниските плати. Не презеде мерки да го спречи покачувањето на цените. Во маркетите се е поскапено, јајцата, зејтинот, пиперките, доматите…а платите стагнираат. Очигледно се штитат бизнис интереси наместо стандардот на граѓаните, додаде Младеновска.

Скандалозно и недозволиво, веќе две недели на Клиниката за Онкологија недостигаат клучни лекови за пациентите со рак. Недостасуваат основни онколошки терапии како: Фезго, Палбоциклиб, Рибоциклиб и други неопходни лекови без кои третманот не може да продолжи. Неизвесност, страв и агонија за луѓето кои секој ден се борат за својот живот. Тоа е денеска реалноста со криминалната власт на ВМРО-ОКГ. Граѓаните, болните, се оставени на милост и немилост, изјави на Прес конференција на СДСМ, Рената Младеновска, Членка на Извршниот одбор. Владата нема пари за лекови, има пари само за криминални тендери. Пациентите се без лекови, додека има 161 тендер за една фирма,…

Колку и Венко да се обидува да ја продава својата “нова програма“ како некоја голема промена, вистината е дека ништо ново не постои и дека позади секоја негова изјава и секоја негова “иницијатива“ стои агенда која ја носи СДС во пропаст, велат од ВМРО-ДПМНЕ. Филипче како поранешен министер за здравство се обидуваше да профитира од буквално се што можеше, и му се случија најголемите скандали и го креираше системот кој ја урна довербата кај граѓаните, па затоа сега не може да се претставува како реформатор без тоа да звучи како навреда за интелигенцијата на граѓаните. Филипче е тој кој во…

Денес Битола е на колена. Градот е со крш и издупчени улици, цела зима поплавуван, а депонии никнуваат на секој агол. Битола тоне во проблеми, во време кога семејствата едвај се справуваат со секојдневните трошоци, наместо подршка и разбирање, локалната власт и раководствата на јавните претпријатија носат одлуки со кои дополнително го зголемуваат товарот врз граѓаните со покачување на цените за комуналните услуги. Постојано предупредуваме дека ВМРО-ОКГ поставува партиски, нестручни и неквалификувани менаџери. Резултатот од таквото управување денес е јасно видлив – институциите не функционираат како што треба, изјави на Прес конференција, Драган Крајовски, Член на ИО на СДСМ. Се…

По последните одлуки на Советот на јавни обвинители за избор на обвинители во ОЈОГОКК, Јавното обвинителство веќе ги презеде сите потребни чекори за да овозможи ефикасност и непречено водење на сите тековни постапки. Ниту еден започнат процес нема да трпи неоправдано одолговлекување или усложнување, а во судница ќе има јавен обвинител подготвен да го застапува обвинението. Јавното обвинителство е единствен орган и евентуална промена на јавен обвинител во текот на водењето на предметите, што може да се случи од најразлични причини, не се одразува врз динамиката и начинот на водење на постапките. Промената на обвинител судот ја нотира, а судењето…

Растат цените во маркетите, расте и огромното задоволство на граѓаните од Владата на Мицкоски. Цените до плафон – рејтингот до плафон, реагираат утрово од СДСМ. Најмногу расте рејтингот на Мицкоски поради целосно исполнување на сите предизборни ветувања, како што е враќањето на името! Омилената агенцијата на ВМРО-ОКГ ова го потврдува. Тоа е позната агенција која само во минатата година добила 400.000 евра од Владата на Мицкоски. Очигледно оваа година Владата треба да им додели уште поголем договор, за волку добри резултати. Инаку, сестринска агенција на оваа агенција е ИПСОС – блиска до сестринската партија на ВМРО- СНС. Граѓаните заработуваат по…

Како дел од континуираните активности за сузбивање на неформалната економија и унапредување на фискалната дисциплина кои Управата за јавни приходи ги спроведува во изминатиот период, започнуваат засилени активности насочени кон субјекти кои вршат дејност и остваруваат промет без регистриран фискален систем на опрема. Имено, согласно службената евиденција на УЈП, во дејностите трговија на големо и трговија на мало, дејности за подготовка на оброци и служење на храна, правни и сметководствени дејности, туристички агенции и организатори на патувања (туроператори), каде што претежно се врши промет на добра и услуги кон крајни купувачи со готовински плаќања, 6.451 даночен обврзник се деловно активни…

Македонија се разбуди со ниски температури, а најстудено беше на планинските предели. Според податоците на УХМР, апсолутниот минимум е измерен на Попова Шапка, каде термометарот покажа -7 степени, додека во Гевгелија беше најтопло со 6 степени. Измерени температури по градови (08:00 часот) ЛокацијаТемпература (°C)Попова Шапка-7Маврови Анови-3Крушево-2Крива Паланка, Претор-1Охрид, Штип, Струмица0Битола, Прилеп, Демир Капија2Скопје, Велес, Кавадарци4Гевгелија6