Градоначалникот на Општина Чаир, Изет Меџити, заедно со министерот за економија, Бесар Дурмиши, посетија компании од Општина Чаир кои добиле институционална поддршка за проширување на своите активности, нови инвестиции и отворање работни места.
За време на посетите беше нагласено значењето на поддршката на приватниот сектор како еден од главните столбови на економскиот развој и зајакнувањето на локалната економија.
„Економскиот развој го градат луѓето кои инвестираат, создаваат и отвораат нови работни места. Затоа поддршката за бизнисите не е само поддршка за компаниите, туку инвестиција во економската иднина на државата и благосостојбата на граѓаните“, изјави Меџити.
Разговорите со претставниците на компаниите беа фокусирани на можностите за понатамошен развој, подобрување на бизнис-климата и создавање поповолни услови за инвестиции и вработување.