Поранешниот вицепремиер и министер за односи меѓу заедниците, Артан Груби, останува во куќен притвор во наредните 30 дена. Одлуката ја донесе Основниот кривичен суд Скопје, постапувајќи по предлог на надлежното Обвинителство.
Груби е дел од истрага што се води за проневера на осум милиони евра поврзани со VLT-апарати. За истото дело е осомничен и поранешниот директор на „Државна лотарија“, Перпарим Бајрами.
Поранешниот вицепремиер беше уапсен во февруари годинава на граничниот премин „Блаце“, откако 14 месеци беше во бегство. По распитот во Обвинителството, судот му определи куќен притвор наместо класичен притвор, образложувајќи ја одлуката со безбедносни причини.