Министерот за дигитална трансформација, Стефан Андоновски, во рамки на македонската делегација учествуваше на Стратешкиот дијалог со САД во Вашингтон. На средбите во Стејт департментот беше потврдено дека дигитализацијата и безбедноста на мрежите остануваат врвен приоритет во билатералните односи.
Андоновски нагласи дека американската поддршка е клучна за зајакнување на македонските капацитети во овој сектор.
„Драго ми е што нашиот стратешки партнер, САД, ги препозна дигиталната трансформација и сајбер-безбедноста како едни од клучните компоненти на нашата соработка. Ние веќе соработуваме, имајќи предвид дека во рамките на Министерството за дигитална трансформација имаме експерт од САД, кој е одговорен за унапредување на нашата меѓусебна соработка“, изјави министерот за ТВ Сител.
Како следен чекор во ова партнерство е најавено потпишување на сеопфатен меморандум кој ќе опфати конкретна техничка и експертска помош за македонските институции.